影片
更多
2015-02-18
1333 瀏覽
晏晝兩三點先食 lunch，本想食好啲，但日本菜間間都落場、一係只有 cheap cheap 定食，搵左半粒鐘無咩時間剩，見到山頭火是鬼但啦。依個四眼肥妹 waitress 想點呀？人家都未 order 完，係咁趕住走咁！仲不停想搶走我份 menu 囉！沙律，等等！拉麵，等等！我仲未 order 完呀！全場得我地一枱乍喎，我仲未叫野飲呢，走左去！要我親自去攞返個 menu 睇，服務劣！果然係山頭火，未食先上火！原來約左條仔黎舖頭一齊食拉麵囉！海鮮沙律，三文魚子？居然會係三文魚子！當您遇上三文魚子，您會想起誰呢？凱程的三文魚子，我還是很想您。海鮮沙律，三文魚子、三文魚、帶子、熟大蝦、熟蟹肉、生菜、蕃茄、昆布，超級豐富，賣相好靚好吸引，抵食！配上自家沙律酸甜 dressing，味道清新又醒胃。菜蔬鮮爽多汁，加埋多種海鮮堅正！雖然只係晏晝 3 點，飲返杯 Asahi super dry 先，我鬼佬黎架麻，最後飲左兩杯 high high 地，轉頭仲要落中環做野，哈哈。辣麵豉湯豬頸肉拉麵，餸同湯麵分開上咁得意，令我想起合記既出前一丁，係咪怕浸腍啲豬頸肉呢？辣麵豉湯豬頸肉拉麵，豬頸肉 juicy
晏晝兩三點先食 lunch，本想食好啲，但日本菜間間都落場、一係只有 cheap cheap 定食，搵左半粒鐘無咩時間剩，見到山頭火是鬼但啦。
依個四眼肥妹 waitress 想點呀？人家都未 order 完，係咁趕住走咁！仲不停想搶走我份 menu 囉！沙律，等等！拉麵，等等！我仲未 order 完呀！全場得我地一枱乍喎，我仲未叫野飲呢，走左去！要我親自去攞返個 menu 睇，服務劣！果然係山頭火，未食先上火！原來約左條仔黎舖頭一齊食拉麵囉！
海鮮沙律，三文魚子？居然會係三文魚子！當您遇上三文魚子，您會想起誰呢？凱程的三文魚子，我還是很想您。
海鮮沙律，三文魚子、三文魚、帶子、熟大蝦、熟蟹肉、生菜、蕃茄、昆布，超級豐富，賣相好靚好吸引，抵食！配上自家沙律酸甜 dressing，味道清新又醒胃。菜蔬鮮爽多汁，加埋多種海鮮堅正！
雖然只係晏晝 3 點，飲返杯 Asahi super dry 先，我鬼佬黎架麻，最後飲左兩杯 high high 地，轉頭仲要落中環做野，哈哈。
辣麵豉湯豬頸肉拉麵，餸同湯麵分開上咁得意，令我想起合記既出前一丁，係咪怕浸腍啲豬頸肉呢？
辣麵豉湯豬頸肉拉麵，豬頸肉 juicy 爽口，處理得非常好，筍絲鮮甜無渣，滿意噃。
辣麵豉湯叉燒拉麵加大，熱辣辣送到。嘩！比想像中好食喎，比預期中好好多，加底足足有兩個麵咁多，重量級加 HKD12 蚊都好合理。彎彎曲曲既拉麵掛湯力強又嚥嚥靭靭，滿意滿意！口感似嚥靭版辛辣麵。朋友仔覺得味千拉麵更好食，但我個人最討厭味千拉麵呢，好似食緊湯意粉咁囉，熱燻一樣麻麻地。
辣麵豉湯叉燒拉麵加大，凍半熟滷蛋非常美味啊！糖心完全流出，甘香甜美，好正！朋友仔食到勁開心。我今日第 3 隻蛋喇，超標超標呢！叉燒超級肥美，軟棉瘦肉搭上啫哩狀脂肪，醬油浸得入味，跟炆五花腩肉一模一樣，十分香口，但有點過肥喇。湯底深厚濃郁麵豉味帶少少辣，味道幾好，但食完頸渴到夜晚呢！飲茶、飲可樂都救唔到，help！
張貼
