霸王山莊

營業中

休息中

呢間上海飯店以前返學成日同屋企人食，最近同屋企人經過見到仲系到，所以入左去食飯，環境同以前一樣，暗黃柔和既燈光多左種舊式風味。北京烤鴨 半隻 $248每次必點既片皮鴨，仍然皮薄香脆，脂肪少，無鴨騷味，吾太油膩，平時食2件已經濟，呢度可以食到4件都無問題。另外京蔥絲同青瓜好新鮮爽脆。小籠包 $55小籠包皮偏厚身，建議趁熱食，肉汁佔小籠包一半。霸王秘燜紅燒肉 $142紅燒肉燜到好淋，肉同脂肪各佔一半，味道帶黑醋既酸味又有啲紅燒汁味，配飯食一流。乾貝蛋白炒飯 $115食左好多較油既食物，配返個清啲炒飯就岩哂！炒過既乾貝絲配蛋白炒飯，炒飯粒粒分明。雪城高力豆沙 $58貌相白雪雪既高力豆沙，顏色偏白，睇得出只用蛋白做出黎，入面有豆沙蓉餡，吾甜，size比較細小。