羲和雅苑

營業中

休息中

朋友係外國返香港，話好掛住中菜。今日帶咗佢去呢間餐廳邊睇香港夜景🌃，邊食粵菜，滿足晒佢兩個願望。片皮鴨師傅即時係我眼前切片皮鴨，熱辣辣，仲滴緊肉汁，並會分開三碟：1.鴨胸皮，香酥脆口，再加爆炸糖，特別有趣，食法新穎。2.鴨胸肉，一半皮一半肉，外脆內嫩，點嗆鼻的黃芥末，微辣刺激，但又會香甜美味3.鴨腿肉，連薄餅，傳統食法，加入青瓜條、京蔥絲、甜麵醬，北京食片皮鴨最正宗味道。如果想清新啲，可以配山楂條、紫洋蔥、藍莓醬，最佳解油膩的配料～羲和小炒皇惹味好吃，有韮菜之外，還加入海鮮：魷魚、蝦乾、帆立貝，好多配料，而且炒得好夠鑊氣。黑松露蝦球伊麵黑松露香氣撲鼻，同蝦球的鮮味互相映襯。伊麵嗦盡黑松露忌廉汁，啖啖滋味，比起芝士汁，冇咁膩。價格親民，呢個價格食到黑松露、蝦球，好抵食。酥皮黃扒魚肚竟然係中菜館有酥皮湯，大玩fusion~湯汁濃稠，黃扒魚肚充滿膠質又大塊，滋潤養顏。椰香芋圓紫米露懷舊甜品，有芋圓更有咬口，煙煙韌韌，椰香漂漂。