阿叔泰麵 (西菁街) (已結業)

知道元朗開咗間食泰式船麵嘅小店，一直都想試，今日約咗住元朗嘅朋友，終於有機會試喇！當時已經下午兩點半，但門外仍有人等位，幸好等咗幾分鐘就有位。Menu 選擇唔算多，麵有4款，另外有各款泰式小食同飲品。牛肉船麵食麵最重要就係湯底，個湯底非常香濃，但又唔會過鹹最令我驚喜嘅係有泰式闊身嘅河粉，好滑，連湯食一流！牛腩好新鮮，唔會太軔。牛丸味濃，爽口彈牙。每碗麵都有炸豬皮，通菜，花生碎，芽菜作配料，令味道更香口，口感更豐富。阿萊燒豬頸肉豬頸肉帶點肥肉，燒過後吃起來更香口。配上魚露汁，添上微微的酸辣味道，更有泰式風味！下次想食泰麵會再黎試埋其他款式！