影片
更多
2022-08-17
76 瀏覽
最近PICI開左新店，以後去銅鑼灣又多一間好食嘅餐廳食！趁住出左消費券，今日就入去食番個Pasta dinner! 新店嘅位置幾方便，係時代個地鐵站出口行5分鐘左右就到，正! 餐廳嘅裝修好有東歐嘅風味，牆上掛住一幅幅嘅黑白相作畫，而每張枱都有個小蠟燭台，燭光透過個台映影出黎嘅燈光都好靚！整個環境都好舒服，好有西式嘅風味！另一方面值得稱讚嘅係，餐廳有唔同種類嘅座位，除左門口嘅半露天茶座以外，仲有可以睇住廚師們工作嘅吧枱位、二人嘅卡位以及圓枱位，可以滿足唔同需求既人數嘅食客，Nice! Open kitchen嘅設計光猛明亮以外，仲讓我地睇到廚房嘅情況，十分乾淨衛生，由製作意粉嘅過程到煮汁同意粉都一覽無遺，可以好安心咁食！而且佢廚房個抽氣系統做得好好，完全唔會覺得有油煙味！ 坐低之後，侍應就會比餐牌我地，而且會同我地推介今晚可以揀邊幾隻意粉，每一間唔同嘅PICI都有佢專屬嘅限定手製意粉，而夜晚如果2個人黎，可以試下呢嘅既TASTING MENU，每人$290，包左2個Starter, 3個意粉同埋2個甜品，可以滿足有選擇困難嘅大家，因為可以揀多1款意粉！👉🏻Octopus Salad 八爪
餐廳嘅裝修好有東歐嘅風味，牆上掛住一幅幅嘅黑白相作畫，而每張枱都有個小蠟燭台，燭光透過個台映影出黎嘅燈光都好靚！整個環境都好舒服，好有西式嘅風味！
另一方面值得稱讚嘅係，餐廳有唔同種類嘅座位，除左門口嘅半露天茶座以外，仲有可以睇住廚師們工作嘅吧枱位、二人嘅卡位以及圓枱位，可以滿足唔同需求既人數嘅食客，Nice!
Open kitchen嘅設計光猛明亮以外，仲讓我地睇到廚房嘅情況，十分乾淨衛生，由製作意粉嘅過程到煮汁同意粉都一覽無遺，可以好安心咁食！而且佢廚房個抽氣系統做得好好，完全唔會覺得有油煙味！
坐低之後，侍應就會比餐牌我地，而且會同我地推介今晚可以揀邊幾隻意粉，每一間唔同嘅PICI都有佢專屬嘅限定手製意粉，而夜晚如果2個人黎，可以試下呢嘅既TASTING MENU，每人$290，包左2個Starter, 3個意粉同埋2個甜品，可以滿足有選擇困難嘅大家，因為可以揀多1款意粉！
👉🏻Octopus Salad 八爪魚沙律
食八爪魚最怕就係UN都咬唔開，呢碟沙律嘅八爪魚就唔同，佢切到好細粒同薄，搭配樱桃蘿蔔片、火箭菜、蕃茄仔等等，酸酸甜甜，除此之外，仲加左d芝士粒同欖粒，令成個沙律既嘅味道層次好豐富，酸甜得黎間中會有份咸味嘅衝擊，係一道好開胃嘅沙律菜
👉🏻Mediterranean Salad 地中海沙律
呢個沙律呢就多菜好多，入面有d蘋果片，芝士碎同合桃碎等等，味道略微帶咸，加左d蘋果片中和下，帶出甜味嘅層味，都幾開胃同清新！
👉🏻Fresh Made Pasta of the Day – 白汁香草蒜蓉蜆肉闊條麵
一開始個侍應就好熱情咁推介我地一定要食呢一個，的確，真係好好味！闊條麵吸晒蜆嘅鮮甜味道，好似將個海洋收藏左係d意粉入面，再加上香噴噴既蒜蓉，唔會搶左海鮮嘅味道，仲更添香氣！而新鮮嘅闊條麵好彈牙，新鮮既意粉口感真係好唔同，零舍彈牙d！
👉🏻Double Ravioli Pumpkin and Ricotta 南瓜芝士意大利雲吞配辣肉腸牛油汁
好出色嘅意大利雲吞，皮好薄，入面包左南瓜同芝士蓉，咬落去會率先湧出濃濃嘅香甜南瓜味，隨後再有芝士味衝出黎，味覺衝擊一絕! 加上有脆脆嘅辣肉腸脆鋪面，添加左口感同微辣，YUMMY! 個汁仲加左少少檸檬，等我地食落去唔會太油膩！
👉🏻Farfalle Prawns and Pesto 大蝦香草醬煲呔粉
煲呔粉嘅口感好特別，彈牙得黎又有咬口，最出色係d蝦肉，煎到螺絲咁，勁彈牙，而且海鮮味重，推介!
👉🏻甜品 – Tiramisu 提拉米蘇 & Panna Cotta意式奶凍
Tiramisu 味道濃郁，好滑好好食，最令人驚艷嘅係佢入面嘅脆餅都仲係脆！完全無淋到，好驚喜！
Panna Cotta好重奶味，口感細滑，加埋面果d紅莓醬，酸酸甜甜，用黎做一餐嘅作結一流!
張貼
