台灣ET鹽水雞 (符興街) (已結業)

鹽水雞係我每次去台灣都會食嘅夜市小食，我有個台灣朋友同我講鹽水雞佢哋自己唔係特別鍾意食，但唔知點解我每次去台灣食到鹽水雞都好開心，同埋好啱口味，今日比我喺上水搵多一間都一樣咁啱口味嘅鹽水雞🤫我叫咗C餐（1隻雞髀、2件雞胸、3隻雞翼再加4款配菜）$119。其實真係好抵食，啲雞肉就係有咬口嘅唔係肥雞，同喺台灣食開嘅鹽水雞嘅雞一樣，跟住配料我就揀咗青蘋果、雞腎、西蘭花同白蘿蔔🥰我第一啖食落去同我喺高雄食開嗰間嘅味有八成似，佢仲要個辣度啱啱好，青蘋果食落好開胃，西蘭花同白蘿蔔就食開嘅，依舊好食，雞腎比想像中好味好爽🤤🤤