一風堂 (希慎廣場) (已結業)

好多年前一風堂進軍香港，我同同事排隊排到lunch時間都就完都係要食，食拉麵食到好似食車仔麵咁趕。事隔多年，行開希慎，行到攰搵食，發現原來希慎有一風堂，時間尚早唔駛等位，仲有卡位坐，正 ！最鍾意坐得舒舒服服咁食餐飯。黑:今次揀左未食過既黑，黑蒜湯底，湯底好香好濃，湯汁可以掛麵，麵質係屬於煙un個種，好好𡁻，另外門口寫住替玉免運，即係加多一碟麵係free既，我當然無蝕底要加替玉啦，雖然係free ，但份量勁多，多到無藉口去食宵夜。。叉燒正正常常係淋滑個種。炙燒豚肉半熟玉子丼女朋友見看叫咁多麵。唔敢叫拉麵，叫左飯，有驚喜喎，只係$48，但有4塊叉燒，叉燒炙燒過，好香，加埋燒汁同半熟蛋送飯好好食，如果有埋葱就更好。眼闊肚窄病又發作，兩個人仲要叫多個小食炸雞，份量唔算多。但炸得好靚，外層脆，內裏d肉keep住juicy，而且好夠味，好食。水準保持到，加上比以前多左好多食物既選擇，有進步！