B.Two House (已結業)

最近成日去觀塘搵食，因為觀塘真係幾多隱世小店值得發掘，今日黎到呢棟工業大廈，都有好多餐廳選擇，本身想返兜一間馬拉野，但去到full左，就轉戰呢間cafe仔。我叫果個好似係野菜海苔飯，老實講，比想像中頹，因為佢啲野菜好似人地碟頭飯啲配菜右啲汁咁，但我見其他人叫果啲意粉同bagel係高質既，佢地話個意粉creamy得黎唔會膩（我估係用左低脂cream?)同埋佢有得一個bagel配個迷你意粉咁既餐，一次過滿足晒你兩個願望。因為個飯平，所以都豪氣少少加錢叫左個低脂岩鹽咖啡，原來呢個先係重點，上面果層野咸咸地有啲奶蓋feel,試完個味，攪勻落咖啡令成杯野生色不少！真係好好飲。總括黎講，雖然對個飯有少失望，但會再黎飲岩鹽咖啡同試bagel。