上岸料理 (已結業)

話說尖沙咀，要搵日本嘢嘅地方，一啲都唔難，因為貴價嘅，平價嘅都有，位置好嘅又有，橫街窄巷平民化嘅都有，不過呢次我哋呢到嘅係酒店下面嘅日本料理， 環境係非常好㗎!清靜優雅簡潔。嚟到食日本料理嘅地方，刺身週時食到，咁我哋都好自然咁叫番一件呢到享受下，我哋叫咗個池魚刺身，享受下嘅 ，一個日式磯煮鮑魚，牛油菜三文魚他他，燒雞軟骨兩串，洋風免治雞肉棒，炸南蠻雞，火灼壽司五件，清酒煮文蛤，兩個人一個晚餐都一個唔錯嘅享受。池魚刺身成條魚骨刺身上，睇到樣就非常滿意，簡直成條魚游埋嚟，擺設真係唔錯。日式磯煮鮑魚未到就聞到啲鮑魚炭燒味，食落口感，內軟外脆、值得嘗試。牛油菓三文魚他他牛油果軟滑菓香，三文魚係軟滑魚，他他汁沙律醬汁香，三種不同香滑清甜，入口細膩。燒雞軟骨兩串送酒非常好，慢食細嚐，非常有口感慢慢噗。洋風免治雞肉棒一串一串，慢慢食，都幾得有特色。炸南蠻雞炸雞塊，有啲驚喜，色香味都有，香脆軟滑。火灼壽司五件壽司上枱，香脆嫩滑，睇到就已經口水都流埋。清酒煮文蛤日本食海產 都係一絕無論 磯燒水煮都係一樣咁出色呢個文蛤一樣 係咁清甜。