Getaway (已結業)

朋友喺中環發掘咗間樓上小店，有好靚嘅峇里打卡位。食物質素都喜出望外。估唔到可以喺中環食到咁高質素嘅泰菜。✨冬蔭公脆米湯呢個冬蔭公喺非泰式餐廳嚟講係超級好飲。唔係得酸味辣味，而係有埋蝦頭蝦膏嘅鮮味。✨泰式龍蝦湯幼滑又濃郁嘅龍蝦湯！同冬陰功一樣都係鮮味十足。✨紅蝦意粉配龍蝦辣汁紅蝦好大隻而且蝦肉好爽口。意粉嘅硬度啱啱好。龍蝦辣汁冇想像中咁辣。✨西班牙烤乳豬豬皮脆卜卜，豬肉好嫩同完全冇羶味。蔬菜酸酸辣辣好開胃。✨牛油果巴斯克焦香芝士蛋糕口感幼滑，喺舌尖融化嘅感覺超級正。冇一般巴斯克蛋糕咁甜。✨馬斯卡彭芝士朱古力蛋糕有啲似曲奇🍪😳。朱古力味道又香又濃。✨泰式紅蝦刺身生蝦彈牙爽脆，蝦頭都冇腥味。✨墨西哥餅泰式生菜包好香九層塔味道，少少辣好開胃。