峰壽司 (已結業)

2008.08.31 行完圓方，一眾攝影師影完日落，餓非餓飽非飽之間，七人同來峰嘆壽司。時近七點半，意料之中十來分鐘就可入座太好了 ﹔相比MK店，兩個人也要等上45分鐘以上仲要企馬路邊吸塵熱到一身汁水﹑兼等久了更要進 7 仔涼陣冷氣扮睇報扮買野，而這裡有冷氣有凳坐舒服得很。睇一睇原來峰都加咗价LU，以前九蚊雞一碟既三文魚壽司加到 12 蚊，百物騰貴都預咗，不過好食又合理既就一樣黎幫襯，喜愛蟹棒既我當然依舊食兩碟先夠喇，不過蝦天婦羅差咗，個粉淋咗，次次都食竟然今次失準，改善改善。幸好其他款式壽司 & 軟殼蟹手卷都爭回一口氣，不然要我轉會都不知轉去邊鼠咯。