權記粉麵茶餐廳

營業中

休息中

都有一段時間無寫食評了😜昨晚出太子買嘢，買完當然要搵食啦！經過這間權記D牛腩好似幾好咁，一於入去試吓。睇完餐牌問吓仲有無崩沙腩先😉點了崩沙腩飯+炸魚皮+凍T。凍T和炸魚皮都是正正常常屬中上級。主角崩沙腩😋崩沙腩其實是牛肋骨與腹腔之間一層肉，所以一邊带有一層腹膜的，油脂分佈均匀屬矜貴部位，好多店舖一早買曬。第一啖試權記牛腩的湯汁，濃濃帶藥材味有D似肉骨茶，崩沙腩口感非常複雜，腹膜爽脆，腩肉好腍，再帶一點脂香，全部集合在一片手指般大小之中。權記D牛腩屬出色的👍唯獨白飯多了小小水（D項屬個人挑剔），因為有腩汁飯可以乾身小小。蘿白夏季不是當做帶點苦瀝味。