川之源

營業中

休息中

之前黎過川之源食午餐，今晚第一次黎食晚飯。晚市餐牌有招牌菜，涼菜，乾煸類，香辣類，泡椒，魚香，家常類，不辣類，炒菜小食，主食，湯，甜品。今日叫左兩道菜試試。茶水係玄米茶，好飲呀，居然唔收茶錢。樟茶鴨 半隻 $178 另加一呢道菜係招牌菜，果然係正！樟茶鴨上枱熱辣辣，皮脆肉嫩，脂肪唔多，味道鹹香，又唔會過鹹，絕對要連皮食，非常香口。總括而言，超水準。紅燒牛肉 $138 另加一呢道菜係人氣推介，味道真係唔錯。紅燒牛肉有十舊左右，算唔細舊。質感算腍，連筋部份特別好食。我哋叫左少辣，辣度啱啱好，其他配料仲有爽脆萵苣同幾片唔辣既辣椒。桂花冰粉食完仲有免費糖水。桂花冰粉係桂花配川式啫哩。冰粉好滑，個少甜好清甜，帶微微桂花香，飲落潤喉，腸胃無負擔。