七月烤魚 (已結業)

好耐無食過辣野，今次就黎試下呢間川菜，見到佢呢排做緊優惠，都幾多人食，估唔到食落都有驚喜。藤椒青椒口味清江魚(小辣)藤椒湯底唔算太辣，幾岩香港人既口味，湯底既椒味既幾濃，十分之香。魚肉嫩滑得黎吸收哂湯底既精華，而且唔會好多骨，怕魚骨既都唔洗驚。芥末涼拌秋葵秋葵幾爽口，加埋芥末少少既辣味，十分清新開胃。蒜蓉燒生蠔生蠔都好新鮮，都算好厚肉，加埋蒜蓉一齊食十分惹味。燒名物今次我地要左雞翼，雞爪，韭菜同肥牛串。呢度既串燒調味都做得幾好，香味十足得黎又唔會死咸，再加上會用鐵板keep warm，真係好貼心。爆珠青瓜青檸蘇打食得辣野緊係要叫返杯酸酸甜甜既野飲啦，呢杯青檸蘇打真係好清甜，完全可以中和烤魚既重口味，又可以解辣，好味。