十二味 (西菁街) (已結業)

今日去朋友屋企開party 各類食物都叫啲 喺呢間餐廳叫咗幾個小食：酸豆角炒肉末，夫妻肺片同川式口水雞口水雞好多餐廳都有 但個人覺得呢間都幾好味 因為佢唔會好多辣油死辣同好咸 同埋佢嘅雞都係好厚肉同嫩滑 連佢伴碟嘅小青瓜都醃得非常入味 夠晒刺激至於朋友揀嘅酸豆角炒肉末個人第一次食，酸豆角可能未必所有人鐘意，不過我就覺得非常好送飯，少少酸，開胃，而且份量十足至於夫妻肺片本人非常愚昧以為真係只係得肺，唔啱我食，點知原來係牛肚，牛展等，食起嚟夠爽，而且亦都係非常入味，佢嘅辣勁係慢慢滲出嚟，好食整體食物我哋覺得調味好得宜，唔會太鹹太辣，但係亦都有應有嘅辣度，而家價錢都好實惠，值得一讚。