川熙樓 (已結業)

早2期睇雜誌介紹麻辣火鍋，見到川熙樓有幾款特色湯底好似好吸引，所以今晚同老公去試下。火鍋店位於酒店閣樓，環境乾淨，濶落。呢度嘅川式火鍋係放題型式，每位$298加一，有6款特色湯底可以選擇，我們選擇了苗家酸湯蹄花鍋。火鍋配料選擇都算多，任飲任食2小時，而且每款食物都會寫明份量，免得做成浪費，另外仲有一頁配料是可以加錢額外追加，俾食客可以多一點選擇。就是這款之前雜誌介紹過嘅湯㡳，是用上自家製辣蕃茄醬調配而成，味道介孚於冬陰公與羅宋湯之間，酸酸辣辣，非常開胃。店家有幾款特別配料一定要試。麻辣牛肉 - 麻辣味香濃而不太辣，肉味濃又有咬口。鹵肥腸 - 大腸預先鹵過所以已經非常入味，而且放入湯底滾一滾，令到大腸更加鮮嫩。豬蹄花 - 放入湯底吸收咗辣蕃茄嘅酸甜味，鮮味倍增，而且充滿膠質。仲有其他配料都好有水準牛蹄筋 - 預先已經炆到軟身，再放入湯底浸煮一段時間，軟嫩起膠，非常滋味。花雕雞件 - 雞件有好濃郁花雕香味，而且雞肉嫩滑。紅薯粉 - 同平時食開嘅薯粉好唔同，呈半透明狀態，而且煙靭彈牙仲好入味。食物用心，食材上乘，對於飲食有要求嘅我真心非常滿意今餐火鍋，期待下次可以再食一次。