影片
更多
2023-04-08
2454 瀏覽
本人好鍾意食台式牛肉麵，港九新界都有去食，但用川式辣味🌶️x台式牛肉麵🍜crossover真係第一次試，重好有驚喜!! 🥰🥰餐廳位於軒尼詩道(金鐘和灣仔中間)，如果企係修頓球場，望向斜對面既滙豐銀行(往金鐘方向)，再行兩步就見到😌😌餐廳裝修以木為主體，係台灣風格，而且比較新淨😆😆餐牌有牛肉麵，滷肉飯，台式小食，台式飲品。而全日套餐包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。🔶 川味香辣牛腱心牛肉麵（鮮製幼麵）🍜｜$78有兩塊牛腱心肉，肉呈長條形，厚厚但炆得好腍少筋，口感豐富濃郁。鮮製幼麵係白色幼身麵條，軟嫩有嚼勁。今次試左少辣，個湯睇落好辣，但食落又ok，似正少辣既level，同埋佢唔係一般個種台式辣，而係川式辣，辣得好過癮!!🔶 台式滷肉拌飯🍚｜$58滷肉半肥瘦，夠晒入味，而且份量唔少。伴碟仲有小棠菜同半隻滷蛋。飯量夠晒飽。🔶 甜不辣｜跟餐+$30有驚喜，外皮炸得好酥脆，好好味🥹🥹🔶 台灣香腸｜跟餐+$24表皮香脆，仲有啲生蒜片夾埋一齊食。🔶 洛神花蜜(熱)☕｜跟餐味道酸甜，潤喉暖胃。🔶 皇牌珍珠鮮奶茶·珍珠
本人好鍾意食台式牛肉麵，港九新界都有去食，但用川式辣味🌶️x台式牛肉麵🍜crossover真係第一次試，重好有驚喜!! 🥰🥰
餐廳位於軒尼詩道(金鐘和灣仔中間)，如果企係修頓球場，望向斜對面既滙豐銀行(往金鐘方向)，再行兩步就見到😌😌餐廳裝修以木為主體，係台灣風格，而且比較新淨😆😆餐牌有牛肉麵，滷肉飯，台式小食，台式飲品。而全日套餐包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。
🔶 川味香辣牛腱心牛肉麵（鮮製幼麵）🍜｜$78
有兩塊牛腱心肉，肉呈長條形，厚厚但炆得好腍少筋，口感豐富濃郁。鮮製幼麵係白色幼身麵條，軟嫩有嚼勁。今次試左少辣，個湯睇落好辣，但食落又ok，似正少辣既level，同埋佢唔係一般個種台式辣，而係川式辣，辣得好過癮!!
🔶 台式滷肉拌飯🍚｜$58
滷肉半肥瘦，夠晒入味，而且份量唔少。伴碟仲有小棠菜同半隻滷蛋。飯量夠晒飽。
🔶 甜不辣｜跟餐+$30
有驚喜，外皮炸得好酥脆，好好味🥹🥹
🔶 台灣香腸｜跟餐+$24
表皮香脆，仲有啲生蒜片夾埋一齊食。
🔶 洛神花蜜(熱)☕｜跟餐
味道酸甜，潤喉暖胃。
🔶 皇牌珍珠鮮奶茶·珍珠🧋｜跟餐+$10
茶味夠濃，但比較甜，又唔會剩係得奶味。
📍 牛壹台食
灣仔軒尼詩道61號四寶大廈地下
張貼
