影片
更多
2022-09-30
909 瀏覽
灣仔新派川菜食府川流最近推岀左晚市半放題！人均$338就有齊前菜、湯、主菜、飯/麵、甜品同埋7款無限量供應嘅川式小菜！加$168仲有兩小時紅白酒Prosecco任飲半放題份量十足！兩個女仔黎到，基本上食一round無限量供應嘅川式小菜已經夠飽。任食小菜嘅辣度偏低，大多調味走甜酸路線，雖然同平時食開嘅有啲唔同，但唔係好食得辣嘅朋友仔都可以輕鬆挑戰到。嗜辣之人就要去到主菜嘅水煮桂魚、水煮牛肉先可以滿足到辣癮啦~ 整體黎講，呢個份量加埋舒適嘅環境，都算幾抵食留意返！逢星期日至四1800-2200先有架~ 限時120分鐘🌶七滋八味川式半放題晚宴 $338/位1️⃣前菜：雞絲粉皮🆙川流特色拼盤 +$50/位原隻麻辣鮑魚｜大建蜇頭拌萵筍｜燈影牛肉三款之中，我就最鍾意薄脆香口嘅燈影牛肉，係燈光映照下真係透光架！鮑魚辣勁十足，蜇頭萵筍夠晒爽脆。兩個人黎不妨加一碟試下~ 不過其實唔加都一定夠飽2️⃣湯：醋椒胡辣羹 配 家鄉燻臘肉胡椒餅嗌左川流特色拼盤，湯會自動升級為蟹肉醋椒胡辣羹~ 食落其實有啲似碗仔翅，當中有加有唔少瑤柱絲、豆腐絲、蟹肉等材料，好足料~胡椒餅以貢布胡椒入饌，加上燻蠟肉同芝麻粒，香氣十足！3️⃣川式
半放題份量十足！兩個女仔黎到，基本上食一round無限量供應嘅川式小菜已經夠飽。任食小菜嘅辣度偏低，大多調味走甜酸路線，雖然同平時食開嘅有啲唔同，但唔係好食得辣嘅朋友仔都可以輕鬆挑戰到。嗜辣之人就要去到主菜嘅水煮桂魚、水煮牛肉先可以滿足到辣癮啦~ 整體黎講，呢個份量加埋舒適嘅環境，都算幾抵食
留意返！逢星期日至四1800-2200先有架~ 限時120分鐘
🌶七滋八味川式半放題晚宴 $338/位
1️⃣前菜：雞絲粉皮
🆙川流特色拼盤 +$50/位
原隻麻辣鮑魚｜大建蜇頭拌萵筍｜燈影牛肉
三款之中，我就最鍾意薄脆香口嘅燈影牛肉，係燈光映照下真係透光架！鮑魚辣勁十足，蜇頭萵筍夠晒爽脆。兩個人黎不妨加一碟試下~ 不過其實唔加都一定夠飽
2️⃣湯：醋椒胡辣羹 配 家鄉燻臘肉胡椒餅
嗌左川流特色拼盤，湯會自動升級為蟹肉醋椒胡辣羹~
食落其實有啲似碗仔翅，當中有加有唔少瑤柱絲、豆腐絲、蟹肉等材料，好足料~
胡椒餅以貢布胡椒入饌，加上燻蠟肉同芝麻粒，香氣十足！
3️⃣川式滋味 (無限供應)
蒜泥本地黑毛豚白肉｜魚香茄子｜宮保雞丁｜乾煽四季豆｜回鍋本地黑毛豚｜上湯娃娃菜｜麻婆豆腐
七款川式小菜都唔太辣~
最有記憶點嘅一定係甜嘅蒜泥白肉，呢款真係好睇個人口味，我就食慣左鹹嘅。不過佢嘅肉真係好軟腍，超索汁！另一款回鍋黑毛豚，肉質同樣軟腍，肥膏位軟彈，幾香幾重豆豉味~
宮保雞丁夠腍夠滑，魚香茄子唔會煮到好軟爛。上湯娃娃菜好嫩好入味，乾煽四季豆夠晒爽脆，略嫌唔夠香口。
好得意地魚香茄子同麻婆豆腐 調味都偏甜酸開胃。嗜辣之人表示：如果雞肉豬肉係辣嘅就好啦！不過唔係好食到辣嘅朋友仔就食得好舒服
4️⃣主菜(每人任選一款）
水煮牛肉 / 水煮桂魚片 / 豆酥桂魚片 / 乾燒明蝦球 / 黑醋黑毛豚酥肉
今次就揀左水煮桂魚片同乾燒明蝦球~
呢到嘅水煮絕對滿足到嗜辣之人！桂魚片厚肉滑溜，肉質較為紮實。香辣惹味得黎，魚味都唔會被蓋過。底下仲有啲好索汁嘅薯粉。
蝦球厚肉彈牙，鮮味十足！甜甜地，帶微辣~
5️⃣飯麵(每人任選一款)
回鍋肉炒飯 / 擔擔麵
回鍋肉炒飯米飯粒粒分明之餘，不失咬口。
擔擔麵嘅肉碎幾香，不過就無乜花生香氣。
6️⃣甜品
沖繩黑糖糍粑｜藤椒香草意式雪糕
雪糕超有驚喜！越食越麻，好刺激！但又甜甜地完全唔辣黑糖糍粑外層金黃香脆唔油膩，內𥚃煙韌軟糯，蘸埋黑糖無得輸
張貼
