川熙樓 (已結業)

邊個話川菜一定辣？ 從來都唔知有呢間，唔係朋友介紹都唔會諗到， 原來真有驚喜。 入到黎，人流唔多，好安靜。午餐價錢比我想像中平， 佢仲要位置酒店入面。 由$58-$88不等。 選擇都多。尖沙咀真係買少見少， 仲要坐得舒服， 有bb櫈， 唔貴。 蕃茄鮮湯魚鍋配白飯唯一的略帶辣味， 酸酸湯底， 滑滑既魚柳**無骨**， 我至愛。 蹺腳牛肉鍋有多款菜同菇類配菜， 火鍋燒住咁serve。 牛肉好淋， 有牛展， 牛腩片， 同軟骨。 湯都飲左兩碗麻油雞麵小朋友至愛， 雞好入味， 肉質鮮美。配埋個蒜泥白肉小食， 薄片同青瓜一齊卷埋， 爽脆口感。 原以為唔夠食， 原來份量都幾大。 埋單有加一。