熊貓小雲吞 (鯉魚門廣場)

營業中

休息中

去朋友屋企玩，食飽飽先上去，見到呢間小川菜，朋友都話不錯，所以試下。2人餐兩個麵/餃，加個餸手撕雞同飲品，再有甜品，120左右，額外叫個串串鍋做餸，200都唔洗，飽到出唔到門口。朋友唔係好食辣，食左蕃茄湯高麗菜餃子，我試左粒個餃子都幾香口，湯都濃味。我叫左個川式涼麵，其實似以前細個食d撈麵，辣辣地，有d花生，幾香口，唔錯的。手撕雞都幾好味，有d雞味，份量都ok。加埋我地個串串鍋，但原來無一串串🤣。有腸，牛丸，大魚蛋，蘿白，海帶，蓮藕等，其實好豐富。牛丸魚蛋都用上高質來貨，唔錯架。D飲品又唔會太甜，又可以解辣，幾好。川菜甜品代表紅糖糍粑炸得岩岩好，唔會太乾硬，點埋紅糖豆粉，出乎意料之外。