辣媽川湘私房菜

營業中

休息中

喺元朗區食川菜，冇食過辣媽證明你鍾意食辣都好有限。睇佢未裝修之前已經經常幫襯，最愛嘅就係水煮魚、口水雞，真係一試難忘。早幾個月得知佢要裝修忍咗口好耐。呢一個月佢終於翻身再開幕，即刻狗衝唔使諗。除咗本身有嘅川菜以外，而家仲加咗好多唔同嘅菜式，甚至連煲仔飯都做埋。最開心嘅係味道依然。最好就一班人嚟食可以試多啲嘢。今次食咗孜然牛肉、口水雞同埋呢個臘腸排骨煲仔飯。牛肉質地同味道非常好食，加埋啲薯仔片煎香咗好好味。口水雞嘅汁，一如以往好食。最後就係試過呢一個煲仔飯，又估唔到佢整得好食，有飯焦得來又香口份量剛剛好😋正