魚川居 (已搬遷) 新店位置

原來觀塘有間專食酸菜魚的餐廳, 仲可以唔洗叫一大盤,一碗份量, 啱晒, 座位都多，唔會焗束，餐廳都有好多選擇，除了米線，還有泡飯,我叫了一碗酸菜魚米線$58, 魚片有好多塊, 肉質好滑, 湯底夠酸, 帶點麻辣, 也有大量咸酸菜, 湯汁掛上米線, 好好味。 朋友叫了土匪雞翼薯粉$65, 薯粉比較粗身要額外加$5, 好煙韌又飽肚, 湯底係鮮魚湯, 好濃郁, 奶白色, 配菜還有脆肉瓜同腐皮,而土匪雞翼另上, 估唔到有6隻咁多, 香口, 惹味, 因湯底較重口味, 一定要配飲品, 只係加$6, 可以要杯凍檸茶。