鴻福堂

營業中

休息中

前排朋友送左一張鴻福堂嘅自家涼茶換領券俾我，可以換購$28或以下嘅涼茶。如果貴過$28呢，我就要補返差價。其實本身我對涼茶嘅興趣就唔係好大嘅，咁所以都費事補差價啦。前兩日張換領券嗰日到期，就揀咗支$28嘅涼茶。川貝雪梨海底椰 $28呢排天氣乾燥，呢支話佢清肺潤燥，就揀佢嚟試吓啦。味道幾清甜，又唔會太甜。不過其實同阿媽煲嘅雪梨水差唔多味，如果真係要我用$28買，就會覺得貴咗啲啦。不過可能係川貝同海底椰貴掛，阿媽煲嗰陣就冇川貝同海底椰嘅，但個味道飲落真係差唔多，感覺上真係唔值$28。不過其實唔難飲嘅，叫唔錯咁囉。