川川

營業中

休息中

今日係銅鑼灣放工，就近近地去咗時代廣場食通天食晚飯，食通天都有幾多餐廳，最後試咗呢間新開嘅四川餐廳。餐廳裝修富有中國色彩，每處都掛了中國字畫及山水畫，簡約又高貴。招牌脆皮血旺 ($128) : 賣相有啲似椒鹽炸豆腐，將豆腐換成嫩滑嘅鴨血再放落粉漿裏頭炸，炸好後香脆可口，想再惹味啲可以灑上椒鹽食。麻辣白鱔煲 ($298) : 白鱔煲份量非常多，白鱔肉質彈牙鮮嫩而且啖啖肉口感一流，重有青瓜同蘿蔔等配料，誠意推介。👍🏻家常酸辣麵 ($68) : 成個麵帶有酸、甜、香、辣、鹹等不同味道，而且重加多咗清香嘅芫荽，不過呢個麵真係有返咁上下辣度。😝