墾丁茶房 (已結業)

日日返工都好攰好大壓力，放工有時真係唔想咁用腦，所以要諗下去邊到食下午茶有時都真係幾煩惱。今次見到墾丁茶房，腦袋裏即刻浮現去墾丁既回憶，真係好relax，所以就決定入去食個tea relax下。食tea時間，就係學生放學而返工人士仲未放工既時間，所以入到去餐廳入面冇咩人，好適合自己一個人食下tea放空下，又或者兩個人去悄悄話都得。MENU入面都有唔少選擇，我今次揀咗火腿芝士奄列拼鹽酥雞扒及牛油厚多士，牛油厚多士普通，火腿芝士奄列就幾好味，不過冇咩芝士味，似普通火腿奄列。件鹽酥雞扒唔會好油，外表望落仲有D乾，不過食落ok咪得lor！呢碗香菇肉燥湯新竹米粉就係一碗米粉上面有一匙既香菇肉燥，雖然個匙香菇肉燥份量少，但係都夠味，伴埋D米粉食，其實都唔會好難食。飲品我揀咗柚子果蜜，其實即係凍柚子蜜，夏天一定要飲凍飲先夠爽！總括黎講，呢段時間係呢到食野，環境係幾舒服既。