泗興食堂

營業中

休息中

今日到柴灣幫朋友手搬野。搬完之後，就一齊去食晚飯。 朋友想食大排檔，但而家嘅天氣咁熱，唯有搵間有冷氣嘅大排檔，咁就可以食得舒服啲。所以朋友帶我地去左位於工廠區嘅「泗興食堂」食飯。豉椒炒鵝腸 $78鵝腸算係鵝內臟最好食嘅部分，但處理前期比較繁複，自己係唔會整，所以見到有都會點。炒得唔錯，夠鑊氣，鵝腸彈牙， 青椒、洋蔥有晒豉椒汁，食落好惹味。脆炸墨魚餅 $98一碟有9件， 墨魚餅好厚但炸粉好薄，而且夠脆口，但墨魚味就唔係咁出。豉椒薯仔牛仔骨 $98薯仔好入味，牛仔骨好腍易咬開，仲有肉汁。