古今二 (觀塘工業中心)

營業中

休息中

和朋友放工來到工廠大廈依間居酒屋食晚飯，地點鄰近港鐵非常方便。店內環境唔錯，食物有好多選擇，壽司卷物更是與別不同，的確幾好食。龍卷風沙律 $72沙律都幾大碗下，主要有蟹柳絲、蟹籽、生菜、中華沙律和車厘茄，撈埋食都幾好味，作為簡單開胃的前菜都唔錯。鹽燒雞中翼串 $25雞皮燒得香口，少少鹽吊味原味好食。櫻花蝦茄子燒 $48茄子開邊入口軟腍，配以櫻花蝦碎鹹香美味。 忘不了您 $88相當好味的卷物，以香脆的炸牛肉和半融芝士作餡，以軟滑清甜的芒果捲住，掃上芥末醬，非常滋味好食。青龍卷 $98餡料有入口即溶的牛油果、鰻魚和蟹柳，味道好夾，簡單好食。野菜鍋 $88成鍋菜好健康湯底清甜，娃娃菜勁多，豆腐、蟹柳、蕃茄、冬菇、金菇、鴻喜菇等，大大鍋份量十足依個價錢相當抵食。