影片
更多
2019-12-01
470 瀏覽
星期三晚放工去觀塘搵朋友食晚飯，佢最鐘意喺工廈捐窿捐罅搵嘢食，呢日我就乖乖哋聽話跟住佢🙈。去到駱駝漆發現勁多人排隊等笠，我哋係其中一份子，上到去見到工廈個格局同我想像中唔同，勁旺場好多舖頭。好彩朋友有訂到枱，所以有梳化坐，餐廳超有人氣，成晚勁多客，一班人同情侶都有。環境都唔錯，格調偏暗氣氛較為悠和，似cafe的日式料理店🍱。食物選擇都幾多，前菜、沙律、燒物、揚物、天婦羅、串燒、一品料理等等都有。另外仲有日式火鍋同自慢燒肉系列。晚市廚師推介好啱呢個季節食！揚物要咗川海老唐揚($45)，🦐蝦仔比相細隻，不過炸得好脆，蝦味勁濃，點沙律醬一流👍，我好似食緊零食咁食唔停口。前菜要咗芝士明太子蛋卷($38)，有3件。呢樣就無乜特別，芝士唔係好拉絲，而明太子就應該係用上一支支嗰啲醬🤔。我哋嗌咗兩款🥩自慢燒肉系列，要了一份胡麻汁牛肩胛同燒汁牛舌，都係$68。店員有特別溫馨提示問：要我哋自己燒o唔ok😂。燒肉個鐵板仔都幾得意，無得校開關，因為係點火，不過都夠熱燒啲肉。2份肉都ok，各有6塊/片，我就鍾意牛肩胛多啲，厚身啲同肉味濃啲👍。另外要咗個蕃茄豬骨豚肉鍋($118)，鍋物應該係一人量的，🐷豚肉有6-
星期三晚放工去觀塘搵朋友食晚飯，佢最鐘意喺工廈捐窿捐罅搵嘢食，呢日我就乖乖哋聽話跟住佢🙈。去到駱駝漆發現勁多人排隊等笠，我哋係其中一份子，上到去見到工廈個格局同我想像中唔同，勁旺場好多舖頭。
好彩朋友有訂到枱，所以有梳化坐，餐廳超有人氣，成晚勁多客，一班人同情侶都有。環境都唔錯，格調偏暗氣氛較為悠和，似cafe的日式料理店🍱。
食物選擇都幾多，前菜、沙律、燒物、揚物、天婦羅、串燒、一品料理等等都有。另外仲有日式火鍋同自慢燒肉系列。晚市廚師推介好啱呢個季節食！
揚物要咗川海老唐揚($45)，🦐蝦仔比相細隻，不過炸得好脆，蝦味勁濃，點沙律醬一流👍，我好似食緊零食咁食唔停口。
前菜要咗芝士明太子蛋卷($38)，有3件。呢樣就無乜特別，芝士唔係好拉絲，而明太子就應該係用上一支支嗰啲醬🤔。
我哋嗌咗兩款🥩自慢燒肉系列，要了一份胡麻汁牛肩胛同燒汁牛舌，都係$68。店員有特別溫馨提示問：要我哋自己燒o唔ok😂。燒肉個鐵板仔都幾得意，無得校開關，因為係點火，不過都夠熱燒啲肉。2份肉都ok，各有6塊/片，我就鍾意牛肩胛多啲，厚身啲同肉味濃啲👍。
另外要咗個蕃茄豬骨豚肉鍋($118)，鍋物應該係一人量的，🐷豚肉有6-7片，我以為會配有烏冬，但無，估計需要額外落單，不過鍋底都有啲粉絲掛湯。至於個湯底最令我有驚喜，因為個蕃茄味🍅同我想像中唔同，好似有啲忌廉芝士味咁定係因為豬骨湯味，幾特別。
飲品就要咗非常打卡able的藍柑富士山🗻($35)，一望到menu我已經想叫，好靚。味道唔係好飲得出柑味，但幾好飲，加上上面有球雪糕🍨可以食下。個杯望落細，但都幾大杯。
總括嚟講，呢間日式cafe都ok，飯麵類如果有多啲選擇會更好，或者可以考慮添加新菜式，如燒餅哈哈。食物價錢都唔貴呀，係份量對於男仔來説可能爭少少🙈，因為無飯。最後抵讚嘅係店員服務幾好，反應快同埋好幫得手，又有笑容😊👍。
張貼
