三姐廚房私房菜 (已結業)

良朋相聚，梗係要搵個地方坐得舒服，好食，又抵既地方啦。。於是就去左友人介紹既呢間工廈私房菜啦，果然係真朋友無老點，好似出奇蛋咁滿足晒我三個願望 以三舊水內一個人黎講，有條斤幾蒸魚，有蟹，有虾，有雞，有龍躉蒸飯，有燉湯，有菜等等，都已經係超值，仲要樣樣好食就更難得，而更難能可貴既係啲碟頭好大，連我個二百磅既大食男朋友都食唔晒 正呀！個人認為最好係個燉湯, 好足料, 一打開蓋就聞到好濃郁既老火湯味! 仲有個龍躉隻都係必食推介之選, 因為我鍾意食較硬身既飯, 而呢個飯係用紅糙米, 真係very good, 魚既鮮味滲入一粒粒既飯到, 真係好食又健康! 而前菜我就非常欣賞個流心蛋, 薰得夠味之餘再加上適量的魚子, 真係齒頰留香, 伴碟既厚cut茄子, 雖則有d漏, 但點埋個汁又出奇地好食wo...以上三樣都係我推荐之選, 而其他食物都係above average總結黎講，呢間大隱隱於市既私房菜，論地點，食物同環境都係值得再回頭。因為太好食既關係，我掛住食食食，只係影得兩幅前菜既相