i kitchen (已結業)

朋友之前黎過帶我黎食，係觀塘工業大厦入面，入面氣氛同環境都唔錯，適合情侶黎，唔會好嘈。小食叫左個薯角，好脆，熱lala，又大碟，32蚊唔貴前菜可以揀焗大菇或沙律，揀左後者沙律菜好多款，面頭有幾塊牛肉（應該係），桃蓉酸酸地，幾開胃。餐湯，紫薯，好濃，結結地，唔會太甜，好味。主菜松露味幾香，汁剛剛好，不過份量少左啲，帶子得兩粒定三粒。餐飲，即磨咖啡整體唔錯，但碟好大，食物份量少，一個餐計埋加一約二百蚊，貴左啲。