影片
更多
2022-07-27
1676 瀏覽
一直都好中意墨西哥菜 尤其係墨西哥卷 🫔 同taco 🌮 早幾年喺尖沙咀食過之後好耐都冇見過墨西哥菜嘅餐廳 今次經過駱駝漆見到個好靚嘅水彩畫門面再望吓係墨西哥菜 二話不說就入咗去啦🔹Taco set 🌮 3PCS HKD98全嗰套餐包一碗雜錦沙律•薯條/湯•三件Taco 店員俾餐牌時親切介紹是日餐湯係蕃茄湯 首先講吓沙律 呢度嘅沙律菜係加咗醬汁嘅味道有少少酸微微 好清爽開胃薯條新鮮炸起 熱辣辣卜卜脆🤤而三款🌮口味分別係:·墨西哥辣雞 必選招牌味道✨雖然話係辣雞但其實係一般人都接受到嘅辣度 雞肉嫩滑惹味 加埋牛油果醬 同taco好夾 •十五味豬腩 豬腩經過醃製後有好特別嘅香料味豬腩半肥瘦 燒到外皮焦脆外食落有少少油脂得嚟又唔會太邪惡 正啊！港式沙嗲牛肉好濃厚嘅沙嗲味 牛肉肉質鮮嫩 加埋鮮甜菠蘿又意外地夾🔸芝士煙肉焗薯格 HKD68用原個煎Pan上 份量十足！薯格預先調味再加埋香濃芝士汁 同好多煙肉塊 忍唔住一塊接一塊咁進食醬汁就有:新鮮嘅牛油果醬 (真係食到粒粒牛油果㗎🥑)酸忌廉 可以中和到薯格嘅油膩感芝士汁 厭唔夠嘅話仲可以點多啲🔹蝶豆花梳打店員誠意推介新產品 咁就緊係要試吓啦紫色漸
一直都好中意墨西哥菜 尤其係墨西哥卷 🫔 同taco 🌮 早幾年喺尖沙咀食過之後好耐都冇見過墨西哥菜嘅餐廳 今次經過駱駝漆見到個好靚嘅水彩畫門面
再望吓係墨西哥菜 二話不說就入咗去啦
🔹Taco set 🌮 3PCS HKD98
全嗰套餐包一碗雜錦沙律•薯條/湯•三件Taco
店員俾餐牌時親切介紹是日餐湯係蕃茄湯
首先講吓沙律 呢度嘅沙律菜係加咗醬汁嘅
味道有少少酸微微 好清爽開胃
薯條新鮮炸起 熱辣辣卜卜脆🤤
而三款🌮口味分別係:
·墨西哥辣雞 必選招牌味道✨
雖然話係辣雞但其實係一般人都接受到嘅辣度 雞肉嫩滑惹味 加埋牛油果醬 同taco好夾
•十五味豬腩
豬腩經過醃製後有好特別嘅香料味
豬腩半肥瘦 燒到外皮焦脆外
食落有少少油脂得嚟又唔會太邪惡 正啊！
港式沙嗲牛肉
好濃厚嘅沙嗲味 牛肉肉質鮮嫩 加埋鮮甜菠蘿又意外地夾
🔸芝士煙肉焗薯格 HKD68
用原個煎Pan上 份量十足！
薯格預先調味再加埋香濃芝士汁 同好多煙肉塊 忍唔住一塊接一塊咁進食
醬汁就有:
新鮮嘅牛油果醬 (真係食到粒粒牛油果㗎🥑)
酸忌廉 可以中和到薯格嘅油膩感
芝士汁 厭唔夠嘅話仲可以點多啲
🔹蝶豆花梳打
店員誠意推介新產品 咁就緊係要試吓啦
紫色漸層一定要影張靚相先📸
雖然係梳打 但甜度啱啱好 又夠冰凍
夏天飲真係超級爽🥶
🥤最估唔到係有提供支裝汽水！
想講聲 支裝汽水真係好正啊！
💬實在估唔到工廈入面都有咁高質嘅墨西哥菜🙌🏻性價比高到 以上兩款菜式兩個人都食唔哂 店員又親切 招呼週到 絕對會再encore
人均消費約$100/位
🚩Hunger Point
觀塘開源道60號駱駝漆大廈3座9樓G室
張貼
