鮮‧港式串燒吧 (已搬遷) 新店位置

同朋友行完駱駝漆嘅outlet，餓餓地於是乎就搵下有咩食， 門口見到有個海鮮拼盤好似幾正咁，一於嚟食下！優越海鮮盤 拼盤內有花螺、蟶子王、大蜆、海蝦 同生蠔， 全部都大大隻 而且食落鮮味十足！ 生蠔肥美多肉帶著淡淡嘅海水味，蟶子同埋蝦肉都爽滑彈牙，食得出唔係雪藏嘢👍🏻虎皮尖椒帶有略辣味嘅尖椒 燒得非常惹味，微辣嘅味道食落非常過癮， 用來送啤酒簡直一流！👍🏻厚切牛脷串 真係非常厚切！牛脷嘅表面有種烤牛扒嘅口感，咬落仲非常多肉汁，而且最好嘅係佢冇牛脷一貫嘅氈味，調味做得唔錯~羊架 表皮燒得幾香脆，肉質好腍身無咩根，食落啖啖肉！無羊氈味之餘都燒得好入味😋窩仔臘味飯煲仔飯內有臘腸、膶腸及臘肉，質感偏實淨，唔會死鹹，甘香多油、有油潤感，而飯粒更係盡吸油香，粒粒分明， 焦香撲鼻！