影片
更多
2017-08-11
727 瀏覽
工廈嘅餐廳有增無減，當中有啲都係值得推介。位於荔枝角嘅億利工業中心，上次黎呢度係專程過黎試試人氣台灣菜，今次同朋友一齊過黎試左另一間新新地嘅餐廳。一行四人收工黎到，晚飯時間，客人佔半，餐廳位置唔算話好多，眼前係水吧，一般西餐廳裝潢，燈光稍暗，睇番前面食評先知，原來佢地有露台位置，不過我地去當日就未有開放。晚市供應套餐，一共7款，包括蒜蓉包、沙律、主菜、飲品，主要係意粉、意大利飯、肉眼牛扒、德國腸、羊架、豬手等，定價 $138-278。此外仲有十多款小食，例如雞翼、墨西哥脆脆、薯條、薄餅等，定價$38-98。可能附近唔多呢類型餐廳，個人認為價錢中上。睇番午市、下午茶價錢比較划算。一行四人試左四款唔同嘅套餐，一齊分享，乜都試到啲。枱上嘅橄欖油樽都幾可愛。蒜蓉包、忌廉薯仔湯蒜蓉包每人一塊，焗得香脆。是日餐湯係忌廉薯仔湯，薯仔唔算打得好碎，保留口感。湯底亦唔會過份稠身，一般西餐廳質素。沙律沙律都係每人一份，可能仲係新餐廳，比較少見用上咁大嘅餐碟上沙律，而沙律嘅份量變相顯得有點少，沙律菜都算新鮮。香草醬藍青口扁意粉 $138意粉賣相不俗，其實碟身頗深，所以意粉份量都幾多，扁意粉軟硬適中，唔會太c
晚市供應套餐，一共7款，包括蒜蓉包、沙律、主菜、飲品，主要係意粉、意大利飯、肉眼牛扒、德國腸、羊架、豬手等，定價 $138-278。此外仲有十多款小食，例如雞翼、墨西哥脆脆、薯條、薄餅等，定價$38-98。可能附近唔多呢類型餐廳，個人認為價錢中上。睇番午市、下午茶價錢比較划算。一行四人試左四款唔同嘅套餐，一齊分享，乜都試到啲。枱上嘅橄欖油樽都幾可愛。
蒜蓉包、忌廉薯仔湯
蒜蓉包每人一塊，焗得香脆。是日餐湯係忌廉薯仔湯，薯仔唔算打得好碎，保留口感。湯底亦唔會過份稠身，一般西餐廳質素。
蒜蓉包、忌廉薯仔湯
4 瀏覽
0 讚好
0 留言
沙律
沙律都係每人一份，可能仲係新餐廳，比較少見用上咁大嘅餐碟上沙律，而沙律嘅份量變相顯得有點少，沙律菜都算新鮮。
沙律
2 瀏覽
0 讚好
0 留言
香草醬藍青口扁意粉 $138
意粉賣相不俗，其實碟身頗深，所以意粉份量都幾多，扁意粉軟硬適中，唔會太creamy，只係油膩感蠻重的，碟底都係油份。
青口係正常雪藏貨色，冇乜特別。個人認為佢地嘅菜式偏鹹少少，朋友就覺得冇問題，都係視乎個人口味。
香草醬藍青口扁意粉
$138
3 瀏覽
0 讚好
0 留言
蛋黃忌廉汁蟹肉闊條麵 $148
相對青口意粉，個人就更喜歡呢款蟹肉闊條麵，用上蛋黃忌廉汁，食落比較creamy而油份唔會太多，而且調味適中，唔會太鹹。
闊條麵比較散，亦都冇平時食開嘅咁闊身，味道不錯。食到都有唔少蟹肉，鮮味講唔上，但整體幾飽肚。
蛋黃忌廉汁蟹肉闊條麵
$148
4 瀏覽
0 讚好
0 留言
黑松露忌廉汁帶子意大利飯 $158
呢度嘅意大利飯比較濕潤，飯粒軟硬適中，食落稍糊。黑松露味突出，加上忌廉汁，食落唔會乾。
面頭嘅帶子輕輕煎過，食落爽口。
黑松露忌廉汁帶子意大利飯
$158
1 瀏覽
0 讚好
0 留言
德國腸拼盤 $238
我地幾個都未食過以德國腸作為主菜嘅晚餐，一般都係當小食咁點。德國嘅香腸出哂名，聽講淨係款式都過千種。
呢度德國腸拼盤有四款香腸，不過未有列明。估計係紐倫堡香腸、豬肉腸、熱狗腸、司華力，太專業嘅名稱有待客人自行請教店方。
基本上都係煎熟左啲香腸，不過各有特色，幾款口感都唔一樣，外皮脆口，配上芥辣、茄汁，味道冇大分別。
墊底嘅係粗薯，稍為腍身，鹽份唔重，有需要可以自行再加，枱面上係有鹽樽。
以酸菜伴碟，本來可以中和香腸嘅肥膩感，不過酸菜略油。
德國腸拼盤
$238
3 瀏覽
0 讚好
0 留言
飲品方面選擇頗多，有咖啡、花茶、汽水、果汁、梳打等，除左檸茶檸水咖啡奶茶橙汁，其餘跟餐加$5-$15。
熱朱古力 +$10、熱蝶豆花茶 +$5
熱朱古力中規中矩，朋友點嘅拿鐵，比較普通，連拉花也糊成一舊泡。
至於蝶豆花茶，顏色係藍藍地，加入檸檬汁後會變成紫色，都幾靚，飲落有少少熱檸水嘅味道，幾特別嘅，因為平時淨係飲過凍嘅蝶豆花飲品。
熱蝶豆花茶
$5
3 瀏覽
0 讚好
0 留言
熱朱古力
$10
1 瀏覽
0 讚好
0 留言
餐牌：
張貼
