i素食 (已結業)

寫過好多次，觀塘工廈區搵嘢食真喺越嚟越方便！但工廈區近來出現咗一片新綠洲，適合工作繁忙嘅觀塘人！依間素食小店喺主張食純素，無蛋無奶，全部用上有機食材！因此食材成本相當重！問返依到嘅負責人柯小姐，原來佢都喺佛教徒，對素食健康嘅理念非常執著！除咗提供素菜外，仲會售賣唔同嘅有機食材！依種精神非常值得尊重同推崇！喺進食午飯嘅時間，仲播放住悠揚嘅佛經音樂！真喺淨化身心！真心唔識欣賞純素，唯有是但叫個A餐《咕嚕雪奐飯》試吓！真心講，咕嚕雪奐真喺唔知喺咩，我估應該由山根同金菇做成！味道喺比較清新，但一啲都唔啖口，估唔到純素可以做好味！依個例湯非常值得推介，雖然純素，但味道比美肉湯嘅香！而且用料非常十足！涼菜方面，非常精緻，豆腐雖然外脆，冇經深度油炸！真喺外脆內嫰！其實食果子種子類食物喺最健康！雖然50蚊喺有啲貴，但值得推廣健康素食嘅概念！