影片
更多
2019-01-03
313 瀏覽
今晚晏左收工，順便掃下APP睇下觀塘區有冇宵夜優惠順路食少少野先返家。見到有一間新食店開設係東廣場毗鄰工廈一樓叫峴港越式餐廳，9時後除左飲品甜品類別之外均有8折優惠，於是睇下其他人既打咭相評價，食物同用餐環境都okay就決定近近地黎試下。假期過後首天食客量明顯少得多,不過可以靜靜地唔駛急住交檯同太太撐下檯腳幾好。店舖空間不算大只能容納約廿張4人檯，不過是全新裝修很光猛且乾淨，靠邊還有少部份設為卡位。隨意找個座位坐低睇餐牌點幾道菜，叫了人氣度高既火車頭湯河，咖喱雞配蒜蓉包，還多點一碟芒果豬頸肉米紙卷及芒果糯米飯。先來既火車頭湯河都幾大碗，內有牛丸、肥牛片、札肉及牛腩4種配菜，湯頭帶清爽濃香既牛骨味道，夾雜多種香料熬製而成幾惹味。滴數滴青檸汁加小片清新既薄荷葉，趁熱先呷一口湯，嚐一嚐湯底的鮮甜鹹香。一人有兩碗份量岩岩好夠食，唯獨敗筆位係當中既肥牛肉，明顯用上最普通貨色，口感同脂肪粗劣之影響打左折扣。之後再黎既係小鍋咖哩煲，店家係尼方面反而十分體貼用上低温臘燭爐仔把咖喱鍋進行保温，這樣咖喱汁與雞肉由食前食後到入口依然保持著温熱度，雖然成套爐具小鍋都大玩coloring (女士們可能會比較bu
假期過後首天食客量明顯少得多,不過可以靜靜地唔駛急住交檯同太太撐下檯腳幾好。店舖空間不算大只能容納約廿張4人檯，不過是全新裝修很光猛且乾淨，靠邊還有少部份設為卡位。
隨意找個座位坐低睇餐牌點幾道菜，叫了人氣度高既火車頭湯河，咖喱雞配蒜蓉包，還多點一碟芒果豬頸肉米紙卷及芒果糯米飯。
先來既火車頭湯河都幾大碗，內有牛丸、肥牛片、札肉及牛腩4種配菜，湯頭帶清爽濃香既牛骨味道，夾雜多種香料熬製而成幾惹味。滴數滴青檸汁加小片清新既薄荷葉，趁熱先呷一口湯，嚐一嚐湯底的鮮甜鹹香。一人有兩碗份量岩岩好夠食，唯獨敗筆位係當中既肥牛肉，明顯用上最普通貨色，口感同脂肪粗劣之影響打左折扣。
之後再黎既係小鍋咖哩煲，店家係尼方面反而十分體貼用上低温臘燭爐仔把咖喱鍋進行保温，這樣咖喱汁與雞肉由食前食後到入口依然保持著温熱度，雖然成套爐具小鍋都大玩coloring (女士們可能會比較buy)，但總體而言本部份都要加返分一讚。隨附既大大個蒜蓉包相信並非自家製，不過都算鬆脆加上沾滿濃濃既咖喱汁特別好味開胃，咖喱則帶十分輕既BB辣。
另一個為芒果豬頸肉米紙卷，一碟切成8小件渾圓味道清新，可惜作靈魂既魚露卻嫌味道不夠提昇鮮味。
甜品方面都係太太每次必點既芒果糯米飯，份量算大不過芒果肉個人覺得有點兒酸，糯米飯則帶陣陣既班蘭香氣，上層先由混合班蘭磨漿拌成既糯米飯，下層糯米飯夾心則放有小粒芒果肉甚有特色，口感方面稔軟度可加強一點。
欣賞小店具個性既LOGO，設計美觀有諗頭兼線條美
張貼
