掌壽司 (已結業)

上一次到駱駝漆大廈行街時，見到這間「掌壽司」已經想試，可惜上次剛剛食飽。今次就特登預早訂位來跟老公食個午餐，如果提早訂位更有9折優惠的。餐廳樓底高，地方大，空間感十足，燈光柔和，感覺舒服。裝潢似日式居酒屋，一樣有開放式廚房，有吧枱，牆上掛上好多不同款的日本酒。。最重要這裡環境清靜，不用跟人迫，沒有嘈吵聲，放假就是要這樣的環境。星期日都有提供午市定食，更有十多款選擇。每款午餐更附有前菜，蜆肉味噌湯，茶碗蒸，甜品及餐飲。茶碗蒸，蛋蒸得滑身，內裡配有蟹柳肉，蛋面有蝦米碎，加添香味。蜆肉味噌湯，有硯肉粒有豆腐粒，味噌湯不太咸。我們選了是日壽司定食，有六件壽司(三文魚，油甘魚， 魷魚，火灸左口魚邊，帆立貝)。壽司鮮甜肥美，不會有雪味，連醬油都不用沾上。特別鍾意油甘魚及帆立貝，油甘魚魚油丰富，帆立貝就厚切大粒肥美。另外配上一個碎蔥拖羅迷你井，份量不少，非常滿足。另外再點了火灸魚生井，當中有三文魚，鰻魚，有帶子。輕輕燒過的魚生仍帶有一份鮮甜味及燒過後魚油香十足。對平時不太好生冷食物的朋友是一個好的選擇。最後更有雪米滋作甜品，令整個午餐更完整。