影片
更多
2017-09-21
44 瀏覽
近年來，地舖租金太貴既緣故，開係工廈既餐廳愈黎愈多，鮮·港式串燒吧就係其中一間。叫得串燒吧，主打當然係燒物選擇都幾豐富，例如海鮮種類有近20種。呢度仲有生蠔同刺身等可供選擇，豐儉由人。不過我前幾日先同男朋友食完buffet，今晚就暫且唔食生冷野住，主攻燒物！雞泡魚乾 $48上枱時熱辣辣有鹹香之餘同時帶點焦香，點上沙律醬後令人忍唔住一條接一條咁放入口中小小缺點係稍嫌略乾了點墨汁墨魚腸 $15墨汁意粉就聽得多，墨汁墨魚腸就真係第一次見！咬落頗有口感，每啖都食到粒粒墨魚肉～厚切牛脷串 $38 好厚切！燒得恰到好處，外層有小許韌度而內層十分柔軟～～調味亦剛剛好，不會過鹹或過淡不過38蚊串著實貴了點呢！豬頸肉 $38重口味如我覺得單吃味道略嫌單薄，蘸上碟上附上既海鮮醬效果十分不錯。份量較多，比較抵食之選。蘑菇雞肉飯團 $28同平時食開既飯團感覺好唔同～因爲佢外層燒過，表面香脆，好似食緊飯焦咁，口感都幾得意不過餡料有點少呢，所以食起黎有啲dry雙重芝士薄餅 $48建議兩人share~ 芝士份量都夠多，同香口既酥餅十分匹配法國燒春雞 半隻 $68都係建議兩人share~ 有平日一個main cour
叫得串燒吧，主打當然係燒物選擇都幾豐富，例如海鮮種類有近20種。
呢度仲有生蠔同刺身等可供選擇，豐儉由人。
不過我前幾日先同男朋友食完buffet，今晚就暫且唔食生冷野住，主攻燒物！
雞泡魚乾 $48
上枱時熱辣辣有鹹香之餘同時帶點焦香，點上沙律醬後令人忍唔住一條接一條咁放入口中小小缺點係稍嫌略乾了點
墨汁墨魚腸 $15
墨汁意粉就聽得多，墨汁墨魚腸就真係第一次見！咬落頗有口感，每啖都食到粒粒墨魚肉～
厚切牛脷串 $38
好厚切！燒得恰到好處，外層有小許韌度而內層十分柔軟～～調味亦剛剛好，不會過鹹或過淡
不過38蚊串著實貴了點呢！
豬頸肉 $38
重口味如我覺得單吃味道略嫌單薄，蘸上碟上附上既海鮮醬效果十分不錯。
份量較多，比較抵食之選。
蘑菇雞肉飯團 $28
同平時食開既飯團感覺好唔同～因爲佢外層燒過，表面香脆，好似食緊飯焦咁，口感都幾得意不過餡料有點少呢，所以食起黎有啲dry
雙重芝士薄餅 $48
建議兩人share~ 芝士份量都夠多，同香口既酥餅十分匹配
法國燒春雞 半隻 $68
都係建議兩人share~ 有平日一個main course既份量
又係燒得啱啱好，雞皮係十分誘人既金黃色，有點香脆，雞肉卻保留到柔嫩，唔似其他餐廳一樣整到好嚡，食落毫無油膩感，同男朋友一齊食輕鬆ko左一碟
流心燒賣(crab dumplings) $58
開頭睇個中文名唔知係咩，睇完英文先明白，可能叫做蟹肉燒賣會較貼切？
面頭個啲應該係蟹膏，有點失望既係食落無佢個名所講既流心效果但個蟹肉忌廉餡味道不俗～不過58蚊得3件就真係頗貴～
環境都幾舒服，同朋友黎食住串燒吹下水幾適合，工廈位置亦相當易搵！
張貼
