小伊甸 (已結業)

今日係觀塘睇中醫，睇醫生之前我就醫左個肚先🍽宜家大部分既工廈都活化晒，唔再係以前咁齋做工廠，仲有跳蚤市集，食肆，練習場等等，超多元化既。今日我就search左間位於官塘工業中心四期既台灣食店去食個lunch。呢度個位置好方便，一出觀塘地鐵站口就已經係個工廈入口，超易locate👍🏻👍🏻👍🏻呢度既裝修簡樸，環境舒適，服務員仲好有禮貌tim，安排坐位既同時會遞埋餐牌，不過呢度係自助點餐既，填好點餐牌再去櫃臺比錢，店員就會自動送餐黎架啦。有一點好值得讚既係呢度好環保咁唔用點餐紙，選擇循環再用既點餐牌同白板筆👍🏻👍🏻👍🏻👍🏻Menu我揀左個set再加左個小食🤓台式肉燥飯拼鹽酥雞扒$47呢個午餐份量好足夠，仲有d小配菜tim。肉燥香濃厚汁，而且個飯選用珍珠米，食落有軟糯口感，至於個鹽酥雞扒就外脆肉嫩，加上外面灑上椒鹽粉，令到個雞扒更加惹味，配埋杯冰凍既翡翠檸檬，仲增強埋我既食慾夜市小香腸$15呢個小香腸真係地道既台灣腸，因為佢外形較一般既雞肉腸幼小，而且味道較甜，同時亦都有黑椒散發出黎既小小辛辣風味，加上佢再灑左少少椒鹽粉係面，令味道再昇華多個層次