影片
更多
2017-07-30
1258 瀏覽
星期日約咗媽媽去行觀塘嘅工廈，睇吓有咩買，平時呢個時候觀塘嘅駱駝漆大廈好多人嘅，但係因為落大雨嘅關係，成個場整得比較冷清，但係就行得好舒服，行完街攰左，就順道喺大廈入面搵嘢食，費事再行出去比雨淋啦。本身一路行一路有試食呢食路，所以都唔係話好肚餓，就走左入去一間串燒店入面食少少野。三文魚刺身＄68三文魚刺身做緊特價， ＄68有兩份，一共八片，厚切到好似磚頭咁大舊，超級抵食，而且夠凍好新鮮，色澤都好靚，食落都好有三文魚有香味。魚腐＄15黑豚腸＄15魚腐食起上嚟冇魚蛋咁彈牙，但係都好有魚肉嘅香味，好香脆，黑豚腸比平時食嘅台灣腸冇咁油，健康啲又冇咁肥膩，味道好好。蘑菇雞肉飯團＄28香芹貢丸＄15厚燒牛脷＄38本身以為個飯團冇乜味，但可能用咗蘑菇嘅關係，一咬落就有好香嘅菌味，中落着雞肉，有少少嘅雞肉油香深左落去飯入面，加上飯燒得香脆，飽肚得來都幾好食。牛脷好厚切，咬落好有口感，最重要係燒得外皮香脆，裏面有鬆軟，而且仲好有牛肉嘅味道。燒饅頭＄25饅頭本身已經搽咗煉奶去燒，令到面頭好似有層甜甜地嘅膜咁，香脆又好食，唔需要再額外加煉奶食。茄子＄15翠玉瓜＄15茄子落左好多蒜蓉去燒，平時食開都係成條上嘅
三文魚刺身＄68
三文魚刺身做緊特價， ＄68有兩份，一共八片，厚切到好似磚頭咁大舊，超級抵食，而且夠凍好新鮮，色澤都好靚，食落都好有三文魚有香味。
魚腐＄15
黑豚腸＄15
魚腐食起上嚟冇魚蛋咁彈牙，但係都好有魚肉嘅香味，好香脆，黑豚腸比平時食嘅台灣腸冇咁油，健康啲又冇咁肥膩，味道好好。
蘑菇雞肉飯團＄28
香芹貢丸＄15
厚燒牛脷＄38
本身以為個飯團冇乜味，但可能用咗蘑菇嘅關係，一咬落就有好香嘅菌味，中落着雞肉，有少少嘅雞肉油香深左落去飯入面，加上飯燒得香脆，飽肚得來都幾好食。
牛脷好厚切，咬落好有口感，最重要係燒得外皮香脆，裏面有鬆軟，而且仲好有牛肉嘅味道。
燒饅頭＄25
饅頭本身已經搽咗煉奶去燒，令到面頭好似有層甜甜地嘅膜咁，香脆又好食，唔需要再額外加煉奶食。
茄子＄15
翠玉瓜＄15
茄子落左好多蒜蓉去燒，平時食開都係成條上嘅，但係呢度就切開咗，原來會更加入味架。翠玉瓜燒完都仲係清甜多汁，食開肉類一定要叫多串翠玉瓜中和一下。
炸牛乳蟹肉薯餅＄20
裏面蟹肉真係好多，最重要用咗牛乳，食落好幼滑，好有牛奶嘅香味，好似食緊忌廉蟹肉咁。
炸芝麻湯圓＄28
個質感好得意，第一次食到渣嘅芝麻湯圓，外皮揸得好似天婦羅咁樣，但係因有落去就煙煙銀銀，咬到最後有甜甜嘅芝麻蓉流出來，好有層次。
張貼
