鮮‧港式串燒吧 (已搬遷) 新店位置

同朋友去完工廈拎網購野，順便喺附近搵食～想搵個可以慢慢食住傾嘅地方，就黎食下港式燒烤啦～墨汁墨魚腸$15外表好似司華力腸嘅墨魚腸，入面仲有粒粒墨魚肉，沾埋茄汁仲好味牛仔骨$38只有三塊～好香嘅黑椒味～羊架$48好難得完全唔騷呀！茄子$15舖滿蒜蓉再燒，好惹味蘆筍$22第一次食燒蘆筍，原來都幾清甜燒大蜆$55好新鮮又大隻嘅蜆呀！最重要係無沙，必食推介9吋長本地花竹蝦$68一樣係新鮮貨，夠爽口日本南瓜雪糕$58食完燒烤個口熱熱地，見到有雪糕，即叫～食落有粒粒南瓜蓉，奶味重，正～值得一讚嘅係，雖然佢係燒烤店，但抽風系統好，食完一d都唔臭油煙味～仲有飛標玩添～