影片
更多
2016-07-08
498 瀏覽
最近研究緊點樣先可以煮到好食的意粉，今日去完apm，諗唔到食乜好，不如就去食pasta 啦，睇下出面餐廳同自己煮個d 有咩分別😂🙊～係apm內巧明街出口行過黎只係需要2-3分鐘左右。 呢到的裝修比較有格調，用上木制的餐桌，帶點懷舊復古的感覺～ 餐廳主打係食意式的食物，雖然冇pizza 吃，但有多款唔同的pasta 呢😁。一坐下後，服務員便隨即遞上麵包和黑醋；有別於西餐的是，意大利人喜歡用黑醋蘸上麵包吃的。黑醋內已加進了橄欖油，吃起來帶點微甜。 服務員細心提醒我們除了menu 外，更有掛在牆上的daily special 呢～ 我們點了是日精選的啤酒牛油汁煮蜆作頭盤 $120，主菜點一個pasta；什錦海鮮寬條麵 $128 和Fish of the day 香煎三文魚麵鼓蛋黃醬 $168。一直都唔知原來三文魚都可以揀要幾成熟，點餐時服務員更建議我們三文魚可以用medium rare上會比較好吃。啤酒牛油汁煮蜆用白酒煮蜆就食得多，用啤酒煮其實比較少見～ 不過原來又幾好食。 蜆肉微微帶點酒香，煮得好嫩滑，仲食到有海水的味道！要煮到啱啱開口先會有甘的效果。除了蒜外，亦同時加了洋蔥和煙肉炒過
呢到的裝修比較有格調，用上木制的餐桌，帶點懷舊復古的感覺～ 餐廳主打係食意式的食物，雖然冇pizza 吃，但有多款唔同的pasta 呢😁。一坐下後，服務員便隨即遞上麵包和黑醋；有別於西餐的是，意大利人喜歡用黑醋蘸上麵包吃的。黑醋內已加進了橄欖油，吃起來帶點微甜。
服務員細心提醒我們除了menu 外，更有掛在牆上的daily special 呢～
我們點了是日精選的啤酒牛油汁煮蜆作頭盤 $120，主菜點一個pasta；什錦海鮮寬條麵 $128 和Fish of the day 香煎三文魚麵鼓蛋黃醬 $168。一直都唔知原來三文魚都可以揀要幾成熟，點餐時服務員更建議我們三文魚可以用medium rare上會比較好吃。啤酒牛油汁煮蜆
用白酒煮蜆就食得多，用啤酒煮其實比較少見～ 不過原來又幾好食。
蜆肉微微帶點酒香，煮得好嫩滑，仲食到有海水的味道！要煮到啱啱開口先會有甘的效果。除了蒜外，亦同時加了洋蔥和煙肉炒過，所以汁裡除了有牛油和蒜香味外，更多了一份煙肉的咸香和啤酒的麥香味，隱約中更吃到parsley的香氣，有多重味道的享受，做得很出色。
碟旁更伴有香脆的麵包可以蘸汁吃呢~
什錦海鮮寛條麵
蕃茄略酸的味道，加上茄醬帶點微辣，立即帶動了舌頭的味雷。寬條麵上舖了滿滿的海鮮和煮過的蕃茄仔，紅當當的，而海鮮的份量亦頗多呢；有蝦，魷魚和蜆。全部海鮮都好好食，沒有雪藏的味道，鮮味十足，而且全部都係岩岩熟👍🏼師傅煮海鮮的手勢好好～尤其係魷魚，好淋好好食～
而麵條是自家制的，帶點煙煙韌韌彈口的感覺，很有質感，是要用上新鮮麵團打成的麵條才可以有的獨有口感，自家制的麵條永遠是最好吃的～
香煎三文魚麵鼓蛋黃醬
本身我對煮過的三文魚沒有特別偏好，因為熟的三文魚通常口感會比較鞋，不過見到呢道菜的source好特別，所以就想要試一試～
三文魚的外層煎得很香脆，呈金黃色的，很香口。魚肉雖然唔係medium rare，不過食落又真係唔鞋口，而且仲幾滑添～ 配上日式的白麵鼔醬和西式的蛋黃醬，日式和風的味道遇上西式的煮法，充滿fusion的效果，個source 食落味道甜甜地，同三文魚好match，味道特別得黎又幾得意～
最後甜品點了豆腐cheesecake $65 和Tiramisu $65
豆腐cheesecake
係凍餅芝士蛋糕，呢個真係十級滑，芝士味道效輕，反而個蛋糕係著重荳香味，真係好似飲緊豆漿甘，比好多地方整得有水準，必試～
碟邊更有黑芝麻醬和焦糖脆脆，可以加埋一齊食，令到整體效果更加豐富，不過我覺得就甘食已經好好食～
Tiramisu呢個tiramisu 唔會有好重酒味，只係有輕輕的酒香味，食落唔會苦，mascarpone cheese 夠rich 夠濃郁，而且打得好幼滑，中間海綿蛋糕部份亦唔會過於濕潤～
呢到整體食物水準高，餐廳環境氣氛係走一d 比較casual的路線，很適合放工黎chill out 一下呢 張貼
