薑媽

營業中

休息中

今日午飯同事帶我到牛頭角附近工業大廈試新嘢，雖然呢間Cafe隱藏工廠大廈內，但上到去都要等位，應該都頗有名氣！餐廳裝修以木為主，座位間又有距離感，所以感覺寬敞舒適。看餐牌都有很多選擇，主打一汁三菜，還有洋風手作麵、洋食漢堡扒和素食料理等等。我選了赤魚一夜干定食：主菜赤魚一夜干燒得很有鹹香味，好食。副菜係香橙牛油果沙律，夠晒清新好味，再配一碗日本米飯，豆腐味噌湯，仲有小碟漬物和飲品，相當滿足😋同事揀咗素食料理：牛油果蔬菜沙律配忌廉南瓜湯，看賣相好靚好吸引🤩選用優質牛油果，口感柔軟順滑，配上甜甜的粟米粒、新鮮的毛豆和沙律菜，又健康營養價值又高，加埋香濃美味嘅南瓜湯，簡直係絕配👍不得不提兩款新飲品，玫瑰瑪奇雅咖啡，有清香玫瑰味，香濃咖啡味和順滑嘅奶，成杯飲品好複雜，又好有層次感，咁重嘅玫瑰味係用咗食用玫瑰花瓣磨成粉灑上咖啡面，所以玫瑰花味特別出眾。荔枝玫瑰咖啡梳打也如是，再多咗荔枝味和梳打水，用匙羹搞一搞，再多層香滑嘅奶泡沫，兩杯都好有驚喜好好飲，推薦👍👍