新蒸武門 (已結業)

今日係觀塘睇完戲雖然時間尚早, 我地呢對懶惰couple都係唔想煮飯, 但老婆又想食住家菜, 結果搵到係駱駝漆大廈呢間私房菜館: 新蒸武門。新蒸武門標榜提供無味精嘅住家菜式, 尤以蒸煮食物出名, 啱哂鍾意健康菜色嘅老婆。我地到餐廳時未到7點客人唔多, 不過7點後客人愈來愈多。餐廳裝修簡樸, 以鮮色的椅子最奪目。餐牌設計都簡單, 以私房菜黎講, 價錢都幾抵。每位客人都會有一杯八寶茶, 材料好豐富, 味帶甘甜, 好清香。😚冷盤薰蹄份量都幾多, 唔會太感而且唔肥膩, 沾上微酸的醋汁, 非常醒胃。👍蜜椒炒豬柳啖啖肉, 豬柳好爽口彈牙, 蜜糖汁配豬柳好惹味, 配料除左椒類仲有菇片, 以黑椒調味, 味道香濃, 配白飯食一流。😋梅菜蒸菜芯有驚喜, 菜芯超軟腍, 而且好甜, 配既咸且甜嘅梅菜, 味道好夾。土魷蒸肉餅唔知係咪餐廳招牌菜, 非常出色, 肉餅鮮嫩多汁, 肉味濃, 加了馬蹄粒增加口感, 味道調配得好好, 不需添加豉油已經鮮味十足, 鍾意食肉餅嘅老婆都非常滿意。😆埋單每人都唔駛$200, 以私房菜計真係好抵食。Menu