影片
更多
2023-02-11
199 瀏覽
Happy Friday 打算慰勞吓辛苦咗一星期嘅自己，Lunch約同事出去食先我公司係青衣，因為青衣沙漠得好緊要 ，想食好少少我都唔介意搭程巴士出遠少少Lunch前search下荔枝角有咩新餐廳，見到呢間61E Coffee係cafe食沙律🥗意粉🍝酸種包…唔諗太多就決定試下去到附近已經見到要排隊，我同同事都struggle緊轉唔轉其他，不過附近好食嘅食店都要行一段路 ，我就同同事決定等下，我地前面有兩組人 ，我地係第3枱應該好快嘅…我同同事排隊嘅時候就諗好食乜，大概15分鐘後 ，入得去啦，我地被安排坐係近窗口嘅長櫈位，我見張枱未算抹得好乾淨，有幾粒飯粒，我用紙巾抹左我同事就直接去收銀處叫野食俾錢，佢地係先付款後上食物先黎嘅係同事叫嘅北海道帶子鍋飯，餐牌帶子飯隔離有個🕓應該係話製作需時，但我嗌嘅泰式冬蔭功大蝦意粉反而未到北海道帶子鍋飯面頭帶子都幾多，有8粒，誠意係有嘅，不過帶子連飯食落冇乜味，好淡，叫做填飽個肚但冇特別味道：3/5性價比：3/5我同事食到over一半，我嘅意粉都仲未到，我催左一下，但我都有少少唔好意思，因為見佢地真係幾好生意好多客，店員都話「唔好意思呀 就快有 我地都爭
我公司係青衣，因為青衣沙漠得好緊要
，想食好少少我都唔介意搭程巴士出遠少少
Lunch前search下荔枝角有咩新餐廳，見到呢間61E Coffee係cafe食沙律🥗意粉🍝酸種包…唔諗太多就決定試下
去到附近已經見到要排隊，我同同事都struggle緊轉唔轉其他，不過附近好食嘅食店都要行一段路
，我就同同事決定等下，我地前面有兩組人
，我地係第3枱應該好快嘅…
我同同事排隊嘅時候就諗好食乜，大概15分鐘後
，入得去啦，我地被安排坐係近窗口嘅長櫈位，我見張枱未算抹得好乾淨，有幾粒飯粒，我用紙巾抹左我同事就直接去收銀處叫野食俾錢，佢地係先付款後上食物
先黎嘅係同事叫嘅北海道帶子鍋飯，餐牌帶子飯隔離有個🕓應該係話製作需時，但我嗌嘅泰式冬蔭功大蝦意粉反而未到
北海道帶子鍋飯
$118
27 瀏覽
0 讚好
0 留言
北海道帶子鍋飯面頭帶子都幾多，有8粒，誠意係有嘅，不過帶子連飯食落冇乜味，好淡，叫做填飽個肚但冇特別
味道：3/5
性價比：3/5
我同事食到over一半，我嘅意粉都仲未到，我催左一下，但我都有少少唔好意思，因為見佢地真係幾好生意好多客，店員都話「唔好意思呀 就快有 我地都爭緊其他客嘅未上」
明嘅.. 但我都真係好餓不過餐廳咁旺我都預左，所以我都食左少少我同事嘅飯
泰式冬蔭功大蝦意粉
$118
18 瀏覽
0 讚好
0 留言
Finally我嘅泰式冬蔭功大蝦意粉到啦賣相唔算係好睇㗎喇，但味道係唔錯嘅蝦都堅係脆口彈牙同埋都有5粒，冬蔭功味有但唔算好出，整體都唔錯，份量好足，如果可以加少少冬蔭功料嘅香茅&菇就好嚕
味道：4/5
性價比：4/5
試業中嘅食店都算唔錯，份量算多，食材質素良好，上菜時間都算盡量控制到，而家睇落生意都幾好，可能大家想試新野，又可能附近幾條街平價飯堂偏多，坐得唔夠舒服，呢間cafe又大又坐得舒服，期望日後會有更多食物選擇同埋保持到食物水準，會再光顧的
張貼
