猛男廚房

營業中

休息中

好耐都冇黎荔枝角既香工，難得今日黎開呢邊，即管睇下有咩好野食。 行見呢間叫猛男廚房，個名好特別，就簡左食漢堡。 最後簡左慢煮脆辣雞肉菠蘿漢堡。 冇諗過佢地個漢堡都幾足料，而且目測竟有成包紙包飲品咁高。 仲可以用刀切得開，好真材實料。 而且大大塊菠蘿仲要有煎過，所以食落就唔會漏水，連入面配埋蕃茄同生菜都唔會太濕，真係好細心。 仲有佢既芥茉醬同成個包既味都好夾，襯埋塊辣雞扒，超正。 最正係塊雞扒切開見到一啲肥膏都冇，仲要好嫩滑。 包又夠鬆軟，睇得出每一層都好有心思砌出黎。 佢地既薯條係即炸既，所以一黎到超香同好脆。 本來以為碗粟米湯好求其，但都唔係wor, 有啲驚喜好可口，同埋去普通既梳打餅竟然都好脆，可見佢地既質素真係好好，好用心既小店。 荔枝角好食既漢堡。