影片
更多
2023-05-10
871 瀏覽
同朋友嚟荔枝角逛街，午飯唔想幫襯連鎖快餐店，但商場入面嘅餐廳又唔平，提議去工廈搵食。上網見有人推介呢間工廈西餐廳「Baron Cafe & Restaurant」，午餐選擇非常豐富，而且價錢十分大眾化，合晒我倆心水，一於試下。入到餐廳，環境完全冇令人失望，入面地方好大，而且裝修得好企理，間隔闊落，座位寬敞又舒服。我哋每人點咗一個餐，另外再加咗一客鮮雜果薯仔沙律 ($50)。冇諗過個沙律咁大份，好有驚喜，而且用料十足，蘋果爽脆有咬口、薯仔粉綿腍甜，沙律醬酸甜適中，真係淨食沙律都飽。香煎美式公司雜扒配黑椒汁 ($81) 及薯菜(+$6)，雜扒餐份量好足，有牛扒、豬扒、雞扒同司華力腸。牛扒醃得好入味，口感嫩滑無渣；豬扒厚度適中，軟腍不死實。雞扒大大塊，肉質不嚡口且無油脂；司華力腸腸衣煙韌有咬口，點埋個黑椒汁，香辣惹味。薯菜有椰菜花、西蘭花、翠玉瓜、薯仔、紅蘿蔔同雜菌，非常豐富！原條日本蒲燒鰻魚黃金炒飯 ($81) 鰻魚肥美厚身，咬落非常 Juicy，連埋甜甜嘅醬汁食，真係好滿足。炒飯粒粒分明，內有粟米和鰻魚粒，食落有米香之餘亦好煙韌。跟餐飲品點咗兩杯鮮榨果汁，奇異果汁 (+$12) 飲落
上網見有人推介呢間工廈西餐廳「Baron Cafe & Restaurant」，午餐選擇非常豐富，而且價錢十分大眾化，合晒我倆心水，一於試下。
入到餐廳，環境完全冇令人失望，入面地方好大，而且裝修得好企理，間隔闊落，座位寬敞又舒服。
我哋每人點咗一個餐，另外再加咗一客鮮雜果薯仔沙律 ($50)。
冇諗過個沙律咁大份，好有驚喜，而且用料十足，蘋果爽脆有咬口、薯仔粉綿腍甜，沙律醬酸甜適中，真係淨食沙律都飽。
香煎美式公司雜扒配黑椒汁 ($81) 及薯菜(+$6)，雜扒餐份量好足，有牛扒、豬扒、雞扒同司華力腸。牛扒醃得好入味，口感嫩滑無渣；豬扒厚度適中，軟腍不死實。
雞扒大大塊，肉質不嚡口且無油脂；司華力腸腸衣煙韌有咬口，點埋個黑椒汁，香辣惹味。薯菜有椰菜花、西蘭花、翠玉瓜、薯仔、紅蘿蔔同雜菌，非常豐富！
原條日本蒲燒鰻魚黃金炒飯 ($81) 鰻魚肥美厚身，咬落非常 Juicy，連埋甜甜嘅醬汁食，真係好滿足。炒飯粒粒分明，內有粟米和鰻魚粒，食落有米香之餘亦好煙韌。
跟餐飲品點咗兩杯鮮榨果汁，奇異果汁 (+$12) 飲落去一啲都唔假，好明顯係新鮮即榨，唔會好酸，夠好飲又夠晒健康。火龍果汁 (+$12) 清甜可口，生津解渴，足料又天然。
張貼
