Ulyssa by Aldou (已結業)

放假唔想同人迫餐慒，所以決定不在大商場進餐，改係工廠大廈度食就更加舒服。上到黎人就唔算多，鋪頭店員招呼唔錯。先黎餐湯，係忌廉蘑菇湯，味道濃郁，蘑菇味突出，口感又夠滑。仲有麵包微暖又軟淋淋，係有質素前菜。蒜蓉煮蜆，用上牛油令口感更滑，蜆肉新鮮又多肉，蒜蓉味除腥，蜆肉食落更覺又甜又肥美，確係唔錯。跟手係蕃茄煮肉醬長通粉，蕃茄味道突出，鍾意蕃茄朋友不能錯過，肉醬同蕃茄味道好夾，用於長通粉就更匹配，長通粉夠爽。最後係香草燒春雞，燒得非常香口，雞皮薄而充滿香草味，雞油將雞汁帶埋落雞肉度，而且雞肉食落皮香肉滑，用既係春雞所以雞質爽嫩，係最適合進食既時機。仲有杯水果茶，茶香但不會將水果香覆蓋，芒果蓉仲係杯底添，夠晒用心。