Lava Java 咖啡西餐廳 (已結業)

又一工廈西餐 韓燒芝士漢堡套餐🍔 ($148)套餐包沙律或餐湯，漢堡肉可以揀生熟程度，司令揀左五成熟。芝士味唔算濃，不過舊肉超大，咬落超juicy😍，漢堡夠大，食左半個已經差唔多飽，加上炸得熱辣辣既薯條🍟，夠曬滿足。盆栽朱古力🌱 ($32)熱朱古力上係奶泡同oreo碎，外觀的確似盆栽，幾得意。飲落都好濃，不過要快啲飲左啲oreo☝🏻️，唔係沉左落去就淋曬架啦。火山熔岩蛋糕🌋 ($52)其實即係心太軟，即叫即整，做到流心，不過雪糕味道一般。心太軟可以話已經泛濫，好多餐廳都食得到，店家不妨係雪糕或者外觀上改變下，畢竟賣得唔平🤔，要突圍需要再諗諗啦！