Friendmily (已結業)

聽聞呢度都好多人黎食,所以我BOOK定枱先!同女朋友早左15分鐘上去,不愧係工廈,工業風好重!D座位都隔得幾開,會係一個吹水聚會ge好地方!MENU都有唔同ge set dinner, 價錢都可以叫豐儉由人!我地點左個羊架配意粉同埋豬手腸配薯菜!頭盤沙津個sauce幾特別,唔單單係沙津醬!粒車厘茄好鮮甜!羅宋湯少少辣,但係幾吸引人飲落去&開胃!入邊仲有d菜同蘿蔔!仲有牛角包,牛油味幾濃,而且鬆軟,食多個都得!我個主菜黎啦!薯角唔夠熱,但係好脆!茄子同脆肉瓜呢個配菜好正!豬手都好大隻呀,有一種食極都食唔完GE感覺!肥同肉比例約為1:2,唔會太多肥膏又食到肉,正呀!最好食係其中一條腸,入邊有芝士流出黎!好好食!另外個羊架都好食,唔騷又幾軟淋淋!不過個價錢黎講我覺得有稍貴,仲有加一,如果平返20-30蚊會比較合適!不過係好食ge!