i kitchen (已結業)

電視話有好介紹，於是我就嚟呢一間試試，地點方便，位於觀塘，為食過海來到這裏都不計。。。 龍蝦海鮮意大利粉＾＾哇，嗰碟大過我塊面，好大隻龍蝦，廚師好細心，已經處理過蝦殼，所以好容易剝，蝦肉又好彈牙。 韓式炸雞球伴芝士醬＾＾ 韓式炸雞，出名多醬選擇，我嗌咗芝士味，果然冇令我失望，好好味。 澳洲穀飼牛肉眼配松露燒汁＾＾ 肉眼好淋，好有牛肉味， 外層煎得微微香脆 ，內層非常肉嫩。 食穀飼牛感覺健康啲， 松露先真有香，絕佳配搭。 炸薯條伴松露醬＾＾ 呢個一定要大讚，非常之香脆，熱辣辣，外脆肉嫩，薯仔味又香。 同埋我最鍾意嘅黑松露醬，黑松露味道好出，醬汁份量啱啱好，一啲都唔孤。